ആത്മാവിന്റെ മരണം.

ഒരു പിന്‍വാങ്ങല്‍ വീണ്ടും തീരുമാനിച്ചു.

ആരും കാണാതെ ഒളിച്ചിരിക്കാന്‍ ആഗ്രഹിച്ചു.

മൌനം തീര്‍ത്ത കൂട്ടിലേക്ക് മടങ്ങിപോവണം,മനസ്സ് പറഞ്ഞു.

കണ്ണീരിന്റെ ചൂടില്‍ ഈ മഴയുടെ കുളിരിനെ അതിജീവിക്കണം.

ഒരു തളിരില പോലും ഇനിയെന്റെ ജീവന്റെ മരത്തില്‍ പൊടിയ്ക്കില്ല.

പൂക്കാനും കായ്ക്കാനും ഇനിയെന്നില്‍ ചില്ലകള്‍ ഉണ്ടാവില്ല.

തണല്‍ തേടി ഒരിക്കല്‍ വന്നവര്‍ ഇനിയൊരിക്കല്‍ മടങ്ങി വന്നാല്‍ നല്‍കാന്‍ ഇനിയെന്നില്‍ പച്ചയുടെ തണുപ്പുണ്ടാകില്ല.

എന്നെ ഞാനാക്കിയ ആ കൈകളുടെ ചൂടും നെഞ്ചിലെ സ്നേഹവും എനിക്ക് നിഷേധിയ്ക്കപ്പെട്ടു.

എന്നിലെ പ്രതീക്ഷകളുടെ,പ്രണയത്തിന്റെ മുകുളങ്ങള്‍ ചവിട്ടിയരക്കപ്പെട്ടു.

ഇനിയെന്ത്??????????????????

എന്റെ മരണമോ???????

അതും കഴിഞ്ഞിരിക്കുന്നു.

ആത്മാവിന്റെ മരണം.