നീ തന്ന സ്വപ്നം............

മുന്നില്‍ നീണ്ടു കിടക്കുന്ന വഴിയുടെ ഇരുവശവും വാകമരങ്ങള്‍...............

വാകമരങ്ങള്‍ വിരിച്ച തണലിലൂടെ നീങ്ങുന്ന കാര്‍................

കാറിനുള്ളില്‍ നേര്‍ത്ത തണുപ്പും,

അടച്ചിട്ട ഗ്ലാസ്സിനു പുറത്തൂടെ പെയ്യുന്ന മഴയും,

കാറിനുള്ളിലെ ഉമ്പായിയുടെ "പാടുക സൈഗാള്‍ പാടുക"എന്ന ഗസലും,

എന്നെ കൊണ്ട് പോയത് നിന്റെ ഓര്‍മ്മകളുടെ തിരുമുറ്റത്തെയ്ക്കാണ്.

നിന്നെ ഓര്‍ക്കാന്‍ ഇതിനേക്കാള്‍ മനോഹരമായ നിമിഷങ്ങള്‍ വേറെ ഉണ്ടാകാനില്ല.

ഈ നിമിഷങ്ങളില്‍ നിന്നോടൊപ്പം ഒരു യാത്ര.................

അതൊരു സ്വപ്നമാണ്.

ഉള്ളില്‍ താലോലിച്ചു കൊണ്ട് നടക്കുന്ന ഒരു കുഞ്ഞു സ്വപ്നം.

പ്രണയം മനോഹരമാകുന്നത് ഇത്തരം സ്വപ്നങ്ങളെ നമുക്ക് തരുമ്പോള്‍ മാത്രമാണ്.

"ഒരിക്കലും നടക്കാത്തത്" എന്ന യാഥാര്‍ഥ്യം ഇവയെ കൂടുതല്‍ സുന്ദരിയാക്കുന്നു.

ഇങ്ങനെ ആരിലും അസൂയ ഉളവാക്കുന്ന കുറെ സ്വര്‍ഗ്ഗകുമാരികള്‍ എനിക്ക് സ്വന്തമായിട്ടുണ്ട്.

നീയാണ് അവയെ എനിക്ക് തന്നത്.

നിന്റെ പ്രണയത്തിന്റെ നിറവും ചന്തവും നല്‍കി നീ തന്ന ആ സ്വപ്നങ്ങളെ ഞാന്‍ സൂക്ഷിക്കുന്നു.

ഒരിക്കല്‍ എന്നെ കൊണ്ടുപോകാന്‍ നീ വരുമ്പോള്‍ നമുക്ക് കൂട്ടിനു ഇവയും വേണം.