Wednesday, April 29, 2020

പ്രിയപ്പെട്ടവനേ,


ഇവിടെയിരുന്നോണ്ട് ഞാനും അറിയുന്നുണ്ട് അവിടെ 
നിന്നെ തണുപ്പിക്കുന്ന മഴയുടെ കുളിരിനെ....... 
മഴ ശബ്ദം കേട്ടോണ്ട് കണ്ണടച്ച് കിടക്കണ നിന്നെയും നോക്കി അടുത്തൊരു കസേരയിൽ ഞാനിരിപ്പുണ്ട്.
മഴയെ കേട്ട് നിന്നെ കണ്ടോണ്ടിരിക്കുക എന്നതിനേക്കാൾ വലിയ സന്തോഷം വേറെയെനിക്കെന്താണിപ്പോഴുള്ളത്.....
ഒരു ഗ്ലാസ്‌ കട്ടൻകാപ്പി കൂടി ഈ നിമിഷം എന്റെ കൈക്കുള്ളിൽ ഉണ്ടായിരുന്നെങ്കിൽ ഒന്നൂടെ രസായേനെ. ഞാൻ പോയി അതുണ്ടാക്കി കൊണ്ടുവരാം....
നിനക്ക് വേണോ???

ഈ രാത്രി മുഴുവനും മഴ......
നോക്കിയിരിക്കാൻ കൂടെ നീയും..... കാപ്പിമണക്കുന്ന നമ്മുടെ ഉമ്മകളും....

ജനലിലൂടെ പുറത്തേക്ക് നോക്കിയപ്പോൾ മഴയും നേർത്ത കാറ്റും കൂടി ഇലകളെ നൃത്തം പഠിപ്പിക്കണ പോലെ തോന്നി. അത് കണ്ടപ്പോൾ എനിക്കും ഓടിച്ചെന്ന് അവരുടെ കൂടെ ആടാൻ കൊതിയായി. മഴക്കാറ് കാണുമ്പോ സ്വയം മറന്നാടുന്ന മയിലുകളുടെ ആനന്ദനൃത്തം പോലെ എനിക്കും സ്വയം മറന്നാടണം ഏറ്റവും മനോഹരമായൊരു നൃത്തം. മഴത്തുള്ളികൾ പ്രണയമെന്ന ഭാവം  മാത്രമായിരിക്കും  ഉമ്മ വച്ചുകൊണ്ട് അപ്പോഴെന്റെ മുഖത്ത് നിറയ്ക്കുക.
നിന്നോട് ചേർന്നു നിന്നപ്പോൾ നിന്റെ നെഞ്ചിനുള്ളിൽ നിന്നെന്ന പോലെ കേൾക്കുന്നുണ്ട് മഴ മൂളുന്ന പ്രണയഗീതം....

ദേ... 
ഇപ്പൊ ഇവിടേക്കും എത്തി ആ മഴചാറ്റലുകൾ. 
എനിക്ക് വേണ്ടി നീ പറഞ്ഞ് വിട്ടതെന്ന് മാത്രം ഞാൻ വിശ്വസിക്കാൻ ഇഷ്ടപ്പെടുന്ന ഒരുപിടി മഴനൂലുകൾ..... 

3 comments:

  1. മഴത്തുള്ളികൾ ഉമയുടെ മുഖത്ത് പ്രണയമെന്ന
    ഭാവം ഉൾക്കൊണ്ട്   ഉമ്മ വച്ചുകൊണ്ട്  മൂളുന്ന ആ 
    പ്രണയഗീതം ഉമയോട്  ചേർന്നു നിൽക്കാതെ തന്നെ
    ഇതുവായിക്കുമ്പോഴും കേൾക്കുന്നുണ്ട് കേട്ടോ ...

    ReplyDelete
  2. ഉമേയ് മഴ നല്ല ഇഷ്ടായി ട്ടാ.ആകെ പെയ്ത ഒരേ ഒരു വേനൽ മഴ ഉറക്കത്തിലാണ്ട് പോയതിനാല് അറിയാതെ പോയിരുന്നു.അപ്പൊ ദേ ഇവിടൊരു സിമ്പ്ലത്തി മഴപെയ്യണൂ,.

    ReplyDelete
  3. Best New Slots in 2021 | JTGHub.com
    New Slots and Casino Games in 속초 출장안마 2021. Read about the top 5 new casino games and see what's new. New 제주도 출장안마 Slots. 김해 출장안마 Popular. New Slots. 진주 출장안마 New. New. Casino Slots. New. 서귀포 출장샵 New.

    ReplyDelete