ഇന്നലെ എന്‍റെ മരണമായിരുന്നു.............

ഒരിക്കല്‍ കൂടി ഞാന്‍ മരിച്ചു.

അതിന്നലെ ആയിരുന്നു.

എന്‍റെ പ്രാണന്‍ കൂടൊഴിഞ്ഞപ്പോള്‍ ഞാന്‍ തനിച്ചായിരുന്നു.

അവസാന തുള്ളി വെള്ളം എന്‍റെ ചുണ്ടിലിറ്റിയ്ക്കാന്‍ ആരുമുണ്ടായിരുന്നില്ല.

കണ്ണുകള്‍ അടയ്ക്കാനും നിവര്‍ന്നു കിടന്നിരുന്ന കയ്യുകള്‍ പിണച്ചു വെയ്ക്കാനും ആരുമുണ്ടായിരുന്നില്ല.

എന്തിനു നീയെന്നെ ഇട്ടേച്ചു പോയെന്നു ചോദിയ്ക്കാന്‍.,

നീയില്ലെങ്കില്‍ എങ്ങനെ ജീവിക്കുമെന്ന് ചോദിയ്ക്കാന്‍,

എനിക്ക് വേണ്ടി രണ്ടു തുള്ളി കണ്ണുനീര് പൊഴിക്കാന്‍

നീയെങ്കിലും ഉണ്ടായിരുന്നെങ്കിലെന്ന്,

ഞാന്‍ ആഗ്രഹിച്ചു പോയി.

എന്‍റെ മരണം എന്നെ തന്നെ സങ്കടപ്പെടുത്തി.

ഞാന്‍ ഓര്‍ക്കുന്നു,അറിയുന്നു,മനസിലാക്കുന്നു.

എന്‍റെ മരണം എന്നും ഇങ്ങനെ തന്നെ ആയിരുന്നു.

എന്‍റെ ജീവിതം പോലെ തന്നെ ഒറ്റപ്പെടലിന്‍റെ വിങ്ങലുകളില്‍...................................

മരിക്കാന്‍ എനിക്കൊട്ടും ഇഷ്ടമല്ലായിരുന്നു.

ഓരോ മരണവും എന്നെ തോല്‍പ്പിച്ചു സ്വന്തമാക്കിയപ്പോഴും ഞാന്‍ ജീവിക്കാന്‍ മോഹിച്ചത് നിന്നെ കുറിച്ച് ഓര്‍ക്കുമ്പോഴായിരുന്നു.

പക്ഷെ..............

ഇന്നലെ..............

നീയെന്നെ,

നിന്‍റെ വാരിയെല്ലില്‍ നിന്നും "നിനക്ക് വേണ്ടി സൃഷ്ടിയ്ക്കപ്പെട്ട"

എന്ന് നീ പറഞ്ഞിരുന്ന എന്നെ......... നീ ഉപേക്ഷിച്ചപ്പോള്‍

മരണത്തെ ഞാന്‍ സ്നേഹിച്ചു തുടങ്ങി.

ഞാന്‍ ആഗ്രഹിച്ചപ്പോള്‍ എന്നെ തേടിയെത്തി എന്‍റെ മരണം.

ഇതിനു മുന്‍പ് അവന്‍ വന്നു കൊണ്ട് പോയപ്പോള്‍ ഒക്കെയും ഞാന്‍ കരഞ്ഞിരുന്നു.

പോകാതിരിക്കാന്‍ ശ്രമിച്ചിരുന്നു.

പക്ഷെ ഈ തവണ ഒരു മാത്ര പോലും ചിന്തിക്കാതെ ഞാന്‍ കൂടെ പോയി.

എന്‍റെ കണ്ണുകള്‍ നിറഞ്ഞിരുന്നില്ല.

എനിക്ക് നഷ്ടപ്പെട്ട പുഞ്ചിരി തിരിച്ചെത്തി.

അവന്‍റെ ലോകം കാണാന്‍ എനിക്കെന്തോ തിടുക്കമായിരുന്നു.

എന്‍റെ മരണം എന്നോട് പറഞ്ഞു "നിന്നെ ഞാന്‍ കൊണ്ട് പോവുന്നു.

എന്തെന്നാല്‍ ഞാന്‍ നിന്നെ അവനെക്കാള്‍ ഇഷ്ടപ്പെടുന്നു.

സ്നേഹിക്കുന്നു.

നിനക്കായി കാത്തിരിക്കുന്നു.

എനിക്കും നിനക്കും മാത്രം കാണാനുള്ള,അനുഭവിക്കാനുള്ള ഒരു ലോകത്തില്‍

ഇനി നീ എന്നോടൊപ്പം ജീവിക്കും.

അവിടെ നിന്‍റെ പേരെഴുതി,

നിന്‍റെ മുഖത്തെ വരച്ചു വെച്ച്,

നിനക്ക് വേണ്ടി നിന്‍റെ ഇഷ്ടങ്ങള്‍ ഒരുക്കി വെച്ച്,

നിനക്ക് വേണ്ടി ഞാന്‍ ജീവിക്കും.

പക്ഷെ നിനക്ക് വേണ്ടി കാത്തിരിക്കില്ല.

നീ വരുമെന്ന് പ്രതീക്ഷിക്കില്ല.

നീ നിന്‍റെ പ്രിയപ്പെട്ടവര്‍ക്കൊപ്പം സന്തോഷത്തോടെ ജീവിക്കുന്നത് എനിക്ക് കാണണം.

അതാണ്‌ എന്‍റെ സന്തോഷം.

നിന്‍റെ ചുണ്ടിലെ ചിരി,കണ്ണുകളിലെ നന്മ,ഹൃദയത്തിലെ കടലോളം ഉള്ള സ്നേഹം.........

അതൊരിക്കലും നിന്നില്‍ നിന്ന് നഷ്ടപ്പെടുന്നത് എനിക്ക് സഹിക്കാനാവില്ല.

നിന്നെ ഇത്രയേറെ സ്നേഹിക്കാതിരിക്കാനും...............!!!!!!!!!!!!!!!!!!!!!!!!!!!!